Hoffa xəstəliyi nədir?
15 Aprel 2024
Hoffat xəstəliyi yağ yastığının iltihabı nəticəsində dizlərin ön hissəsində ağrı ilə xarakterizə olunan bir vəziyyətdir. Hoffa yağ yastığı patella (diz qapağı) altında yerləşən üç yağ toxumasından biridir. Patellanı bud və baldır sümüklərindən ayıran qoruyucu təbəqə rolunu oynayır. Hoffanın yağ yastığı sıxılırsa və ya zədələnirsə, şişir, iltihab və ağrıya səbəb olur. Həmçinin ölçüsünü artırmağa meyllidir. Bu səbəblə də sıxıla bilir.
Bu xəstəlik ümumiyyətlə kəskin və xroniki olaraq təsnif edilsə də, Hoffa xəstəliyi 3 kateqoriyaya bölünür: piy yastığının iltihabı ilə müşayiət olunan kəskin lezyon (Tip 1), piy yastığında fibroz olmayan xroniki lezyon (Tip 2), fibroz ilə xroniki lezyon (Tip 3).
Hoffa xəstəliyinə nə səbəb olur?
Hoffa piy yastığının iltihabı və ya sıxılması nəticəsində dizdə yaranan ağrıdır. Ağrı diz qapağının altında olur.
Hoffa piy yastığı sindromunun ümumi səbəbləri aşağıdakılardır:
- Xroniki diz osteoartriti
- Diz nahiyəsinə birbaşa zərbə və qəfil xəsarətlər
- Sıx quadriseps əzələləri
- Dizin hiperekstansiyonu və ya həddindən artıq düzləşdirilməsi
Hoffa xəstəliyinin əlamətləri
Hoffa yağ yastığı sindromunun əsas əlaməti dizin ön və yan hissəsində yaranan ağrıdır. Digər simptomlar isə aşağıdakılardır:
- Dizi düzləşdirərkən ağrı
- Uzunmüddətli yerimə zamanı ağrı
- Pilləkənləri qalxanda və dizləri bükərək oturanda ağrılar
- Diz altında və ətrafında şişkinlik
- Bəzən kəskin ağrılar
Hoffa testi; Xəstədən patellanın aşağı hissəsindən patella vətərinin hər iki tərəfinə hər iki baş barmağı ilə basaraq dizini uzatmağı xahiş olunur. Əgər xəstədə kəskin ağrı yaranarsa test müsbət hesab olunur.
Xüsusilə idman hərəkətləri zamanı, pilləkənlə qalxıb-enərkən, dizini uzun müddət əyərək oturanda ağrıları artır, istirahətlə isə azalır.
Fiziki müayinə zamanı sümüyün bir tərəfində çökmə, digər tərəfində isə qabarıqlıq müşahidə oluna bilər. Effüzyonla yanaşı, birgə hərəkət diapazonunda məhdudiyyət də aşkar edilə bilər. Klinik şübhə varsa, digər mümkün patologiyalardan əmin olmaq üçün MRT tələb edilməlidir.
Hoffa xəstəliyinin müalicəsi
Müalicənin əsas məqsədi iltihabın azaldılması və dizdə sıxılan siniri bərpa etməkdir.
Müalicənin ilk addımı istirahət vermək və dərman müalicəsidir. Digər müalicə üsullarına daxildir: TENS, ultrasəs və lazer terapiyası, dizin bantlanması, gücləndirici məşqlər və antiinflamatuar inyeksiya. İltihab əleyhinə inyeksiyalar iltihabı aradan qaldırır. Nadir hallarda, iltihablı Hoffa yağ yastığının bir hissəsini çıxarmaq üçün kiçik cərrahiyyə edilə bilər.
Bu patologiya adətən fizioterapiya ilə uğurla idarə olunur. Passiv bantlama iltihablı IFP-ni aradan qaldırmaq və ya qısaltmaq üçün istifadə olunur. Uyğun məşqlər və dincəlmək problemin həllində əsas nüanslar hesab olunur.
Paylaşmaq :